No curso 2015-16 o alumnado de 1º do Ciclo Superior de Administración e Finanzas analizou a través da publicación de artigos, videos, ... neste muro, accións levadas a cabo por empresas galegas cuxo obxectivo ven sendo a explotación dos recursos naturais do noso país, de xeito tradicional ou innovador, e como coa súa comunicación empresarial contribúen a marca Galicia. Tamén se debateu a repercusión que a actuación das empresas empregadas como exemplo teñen no noso contorno, favorecendo o desenvolvemento sostible, a biodiversidade, e en definitiva, o respecto polo medio no que vivimos.
